Irani po e kthen Sirinë në “bazën më të madhe ushtarake në botë”, duke shpenzuar deri në 35 miliardë dollarë për fabrikat e raketave dhe një shpërndarje prej 82,000 trupash në vend që do të kërcënonte rajonin, tha të enjten diplomati izraelit Danny Danon.
Danon, ambasadori i Izraelit në Kombet e Bashkuara, tha se kishte zbuluar informata konfidenciale në Këshillin e Sigurimit të OKB-së për të treguar se “oktapodët terroristë” të Teheranit po përhapen dhe paraqesin kërcënim për Izraelin, pjesën tjetër të Lindjes së Mesme dhe më gjerë.
“Ushtria iraniane është duke trajnuar në mënyrë aktive këta ekstremistë militantë nga e gjithë bota, duke përdorur Sirinë si bazën e saj strategjike”, tha Danon për diplomatët e OKB-së në Nju Jork.
“Irani gjithashtu është duke ndërtuar fabrika të raketave në Siri, në fakt duke i kthyer njerëzit e pafajshëm në zonën përreth në mburoja njerëzore. Irani po e kthen gjithë vendin e Sirisë në bazën më të madhe ushtarake në botë”.
Ambasadori i Iranit në OKB ishte planifikuar të fliste më vonë në të njëjtën mbledhje. Teherani pohon se operacionet e saj ushtarake në Siri janë kundër ISIS-it dhe grupeve të tjera, në mbështetje të qeverisë së presidentit sirian Bashar Assad.
Teherani komandon me 82,000 luftëtarë në Siri – 3,000 nga trupat e Gardës Revolucionare Islamike, 9,000 nga milicia e saj Hezbollah, 10,000 rekrutë shiitë nga Iraku, Pakistani dhe Afganistani dhe rreth 60,000 luftëtarë lokalë, tha Danon.
Irani ka shpenzuar rreth 35 miliardë dollarë në baza, trupa dhe fabrika të raketave në Siri, tha ai. Ai shpenzon 800 milionë dollarë në vit në Hezbollah dhe 100 milionë dollarë në secilën nga proxy-milicitë në Jemen, Gaza, Siri dhe Irak, shtoi Danon.
Lehtësimi i sanksioneve në kuadër të marrëveshjes bërthamore të vitit 2015 mes Iranit, SHBA-së dhe fuqive të tjera botërore ka hequr restriksionet për paratë që tani shpenzohen nga gjeneralët e Iranit, tha ai. Këto shpenzime u rritën nga 17 përqind e buxhetit të qeverisë në vitin 2014 në 22 përqind në vitin 2017.
“Kjo i bie 23 miliardë dollarë të shpenzuara për raketa, armë dhe armatim tjetër të luftës”, tha ai. “Gjysmëhënia Shiite synon më tepër se Izraelin, dhe është më e madhe dhe më e fuqishme se kurrë dhe synon gjithë botën”.
Lufta tetë-vjeçare e Sirisë ka marrë 500,000 jetë dhe ka detyruar 5.5 milionë sirianë të largohen nga vendi.
Arabia Saudite dhe vendet e tjera të Gjirit arab, SHBA dhe Izraeli kanë paralajmëruar vazhdimisht për agresionin iranian në rajon, të cilën Teherani e mohon. Arabia Saudite ishte gjithashtu pritet t’i drejtohet Këshillit të Sigurimit të OKB të enjten. /tesheshi.com/
