Komisioneri i BE-së për Migrim dhe Çështjet e Brendshme, Dimitris Avramopoulos, mohoi që nga Hollanda të kishte mbërritur ndonjë kërkesë për heqje vizash ndaj Shqipërisë.
“Ne nuk bëjmë komente për atë që vendoset në nivelin e vendeve anëtare, por për derisa thelbi kryesor ka të bëjë me mekanizimin për pezullimin e vizave, që ka interes të madh për ju, më lejoni t’u them se Komisioni nuk ka marrë asnjë njoftim që kërkon pezullimin e vizave.
Nëse mund të ndodh në të ardhmen, më besoni se do të bëjmë një analizë të kujdesshme nëse një veprim i tillë do të duhet të merret apo jo në përputhje me procedurat dhe informacionin që ka të bëjë me rrethanat specifike”, tha diplomati grek i Brukselit.
Nga ana tjetër, kryeministri Rama edhe njëherë përmendi shifrat që sipas tij nuk pasqyrojnë pretendimet e Hollandës.
“Emigracioni i paligjshëm i shqiptarëve vijon që të bjerë në mënyrë të ndjeshme dhe bazuar në raportin e 2018 të KE-së, në 2018 e kanë kaluar kufirin në mënyrë të paligjshme për në BE 27% më pak shqiptarë se një vit më parë, ndërsa kërkesat për azil janë ulur me 32% në gjysmën e parë të 2018 krahasuar me 2017.
Falë bashkëpunimit të disa vendeve partnere që u përballën me këtë problem faktikisht emigrimi është minimizuar në shifra të papërfillshme”, tha Rama. /tesheshi.com/
