“Ajo që po ndodh në Siri është një turp për Europën”, i tha një gazete sh-ambasadori gjerman në disa shtete e njëherësh kryetari i Konferencës së Sigurisë i Mynihut, Ëolfgang Ischinger.
“Edhe pse ajo e ka të lehtë të tregojë me gisht Rusinë dhe SHBA të cilat mbështesin anë të kundërta në luftën e nisur që në 2011-ën, Europa ka dështuar totalisht për të marrë përsipër përgjegjësinë e saj në lidhje me konfliktin”, u shpreh diplomati gjerman.
Më pas, Ischinger hodhi dhe një propozim se si Europa mund të ndikojë në ndryshimin e situatës së atjeshme, nëse ka vullnet për ta bërë diçka të tillë, e po ashtu një brerje ndërgjegjeje.
“Ajo mund të fusë në punë stimuj politikë dhe financiarë për të ndikuar në palët ndërluftuese në Siri, duke premtuar miliarda dollarë për rindërtimin e vendin në këmbim të ruajtjes së armëpushimit”, tha Ischinger. /tesheshi.com/
