Diplomati gjerman, Kristijan Helbah, i cili po qëndron për vizitë në Maqedoni, ka realizuar takime me presidentin dhe me partitë politike në vend. Siç thotë ai, vizita e tij shërben për të nënvizuar se Gjermania kujdeset për ardhmërinë e Maqedonisë. Ai, gjithashtu tha se qëndrimet e Gjermanisë janë në një linjë me ato të Mogherinit dhe Hanit dhe se vendi i tij mbështet Maqedoninë në rrugën euroatlantike, ndërsa ka kërkuar që sa më shpejt të formohet qeveria e cila do të jetë e përkushtuar në zbatimin e reformave.
“Që kjo të jetë e mundur nevojitet formim i shpejtë i qeverisë e cila do të zbatojë reformat prioritare urgjente. Procesi i reformave është kryesore. Njerëzit kanë nevojë për punë, siguri sociale, sundimin e së drejtës. U bëjmë thirrje partive politike të përmbahen nga ngritjen e përçarjeve qe nuk kanë të bëjnë me këto prioritete”, ka deklaruar Kristijan Helbah.
Sipas tij, Kuvendi duhet të jetë në mundësi që ta kryejë detyrën e saj, dhe për këtë gjë është i nevojshëm formimi i qeverisë.
“Ne jemi të bindur se presidenti Ivanov do të tregoj mençuri, do të respektoj rezultatet nga zgjedhjet e kaluara dhe do të mundësoj Kuvendit të formoj qeveri sa më shpejt që është e mundur”, ka thënë ai.
Helbeh ka theksuar se një rëndësi e veçantë është që Prokuroria Speciale të vazhdojë të kryej punën e saj me përkrahje të pavarur gjyqësore.
I pyetur se a sheh diçka kontestuese ose problematike tek Platforma e partive shqiptare ai shkurt tha që “Jo”. /tesheshi.com/
