BBC-ja bën të ditur se dhjetëra zyrtarë të Departamentit të Shtetit kanë nënshkruar një memo të brendshme ku ngrejnë zërin kundër politikës së tanishme të SHBA-ve në Siri, duke kërkuar ndërkohë sulme ushtarake kundër regjimit të Beshar Esadit.
Materialin këshillues e kanë nënshkruar 51 zyrtarë të nvelit të mesëm dhe të lartë, të cilët kanë si detyrë këshillimin për çështjen e Sirisë.
Spas tyre, qasja e tanishme po e ndihmon Esadin të qëndrojë në pushtet, si dhe po punon kundër opozitës siriane.
Një kërcënim i besueshëm nëpërmjet një aksioni ushtarak kundër regjimit të Esadit, kjo është ajo çfarë kërkohet nga ata. Ndryshe, thuhet në kërkesë, Damasku nuk do të ndiejë asnjë presion për të negociuar me rebelët.
Eshtë e rrallë që një numër i tillë diplomatësh, çmon BBC-ja, ta kundërshtojnë kësisoj pozicionin e Shtëpisë së Bardhë.
John Kerry do t’i paralajmëronte dy ditë më parë Rusinë dhe Sirinë se durimi i SHBA-ve nuk ishte i pakufizuar.
Në terren ka një armëpushim, por Esadi e ka sfiduar hapur atë, duke vijuar të bombardojë pjesë të territorit sirian, veçanërisht në Halep.
Një zëdhënës i Departamentit të Shtetit do ta konfirmonte marrjen e një memoje të tillë të përpiluar nga zyrtarë të brendshëm, por nuk bëri komente të mëtejshme. /tesheshi.com/
