Ministrja e Shëndetësisë Ogerta Manastirlliu ofroo garanci për përballimin siptalor të situatës së rënduar COVID, duke paralajmëruar dhe hapjen e të tjera strukturave spitalore.
“Kjo nuk është një periudhë e lehtë, e cila po shoqërohet me rritje të numrit të rasteve, ndaj vendosja në dispozicion e kapaciteteve të reja dhe përgatitja për hapjen e spitalit COVID4 vjen si përgjigje për përballjen e situatës. Nga ana tjetër edhe spitalet rajonale po përgatiten dhe tashmë strukturat janë ngritur, personeli është trajnuar, aparaturat biomjekësore janë vënë në dispozicion”, tha Manastirliu.
Sipas saj, shërbimi i atyshëm nuk ka asgjë mangut. Gjatë inspektimit të COVID 4, gati për hapje, Dr. Daniela Nika, nëndrejtore e QSUT, tha:“Siç mund ta shihni, struktura është e pajisur me panelet e oksigjenit, me monitorë, nëse do të duhet që pacienti të intubohet këtu kemi disponibël edhe respiratorë. Këtu do të bëhet përgjithësisht vlerësimi i parë për pacientët dhe pastaj sipas nevojës ata do të shpërndahen qoftë në pavionet lart apo në terapinë intensive nëqoftëse gjëndja do të jetë e rënduar”. /tesheshi.com/
