Donald Trump-it i duhen vetëm pak ditë për të nisur detyrën si presidenti i 45-të i Shteteve të Bashkuara të Amerikës. Ende në procesin e formimit të administratës së tij, ai ka zgjedhur të ketë për këshilltare ekonomike një zonjë të lindur në Egjipt.
Dina Habib do të shërbejë si ndihmëse e presidentit të ri amerikan, si dhe kryekëshilltare për iniciativat ekonomike.
E lindur në Kajro në vitin 1973, përpara se prindërit e saj të emigronin për në SHBA, Dina Habib ka punuar dhe me administratën e presidentit George Bush, duke mbikëqyrur veprimtaritë e institucioneve bamirëse.
Ajo ka punuar dhe si ndihmëse në Departamentin e Shtetit për çështjet kulturore dhe edukative në kohën e sekretares Condoleeza Rice.
Si presidente e Fondacionit Goldman Sachs, Dina Habib ka mbikëqyrur një nga iniciativat më të mëdha bankare, duke përfshirë programin “10.000 gra”, në ndihmë të sipërmarrëseve femra ngado në botë. /tesheshi.com/
