Korça ka regjistruar viktimën e dytë të saj për këtë dimër, nga më të acartët e viteve të fundit. Një endacak 55-vjeçar ka humbur jetën si pasojë e të ftohtit, e konfirmuar kjo zyrtarisht nga autoritetet vendase, pa mundur t’i dihet akoma identiteti. Ai është gjetur i i pajetë në rrugë, përballë Pallatit të Kulturës në lagjen nr. 7.
Kështu, numri i viktimave në Shqipëri për shkak të të ftohtit të këtij dimri shkon në 8 gjithsej, ku dy prej tyre humbën jetën nga rënia në ujë pas thyerjes së akullit mbi të cilin ecnin. Ndërsa një tjetër, humbi jetën pas frakturave të pësuara si pasojë e rrëshqitjes dhe rrëzimit.
Moti me temperatura frikshmërisht të ulëta është lënë pas, por gjithsesi i ftohti dhe dëbora janë mjaft të pranishme në disa zona të Shqipërisë. Këtë fillimjave lajmërohet sërish për sasi të madhe dëbore të rënë në veri e juglindje, me bllokim rrugësh e vështirësi qarkullimi. /tesheshi.com/
