Ish-zv.kryeministri i qeverisë së Kosovës, Branimir Stojanoviç është emëruar sekretar i Përhershëm në Ministrinë e Ekonomisë së Serbisë. Lajmin e ka bërë të ditur vetë Stojanoviç në llogarinë e tij në Facebook.
“Rol i ri dhe detyra të reja. Çdo gjë në shërbim të popullit tonë”, ka shkruar ai në postimin të cilit ia ka bashkëngjitur vendimin e qeverisë serbe për emërimin e tij në këtë post të marrë më 31 janar.
Stojanoviç ishte një nga anëtarët më të ekspozuar të listës së Serbisë deri në zgjedhjet parlamentare të 11 qershorit, në përpjekje të vazhdueshme në formimin e Asociacionit të Komunave Serbe në Kosovë.
Stojanoviç ka shërbyer si zv. kryeministri në qeverinë “Mustafa”.
Ai jeton në Graçanicë. /tesheshi.com/
