Dikur luante futboll për Kombëtaren e Serbisë, e tani do të luajë për atë të Kosovës.
I lindur në Beograd menjëherë pas luftës, 19 vjecari Arton Zekaj zhvilloi shpejt karrierën e fillestarit, duke u bërë mesfushori i skuadrës së LOSC Lille.
Ai po e braktisë Serbinë me dëshirën e tij, duke realizuar ëndrrën që të mbrojë ngjyrat e Kombëtares së Kosovës.
Lajmin e ka pohuar edhe menaxheri i Kombëtares së Kosovës, Bajram Shala, i cili është tejet i lumtur për arritjen e këtij përforcimi në radhët e “Dardanëve”.
Por procesi i transferimit të Zekajt nuk kishte kaluar lehtë. Fillimisht, Federata e Serbisë nuk ka bashkëpunuar me atë të Kosovës për t’i kompletuar dokumentet e Zekajt, pasi ato duhen dërguar në FIFA.
Kështu, ankesa u desh të bëhej direkt në FIFA, ku kjo e fundit i dha ultimatum autoritetit të futbollit serb që të realizonte dërgimin e dokumenteve në afat prej pesë ditësh, në të kundërtën, ata do të marrin vendim unanim lidhur me karrierën e lojtarit.
Sipas Shalës, Arton Zekaj do të luajë për Kosovën dhe do të jetë i gatshëm qysh në qershor. /tesheshi.com/
