Një tjetër veturë zyrtare, pronë e Ministrisë së Mjedisit, është dëmtuar nga persona ende të panjohur.
Rasti i thyerjes së xhamit të kësaj veture zyrtare, në Prishtinë, është raportuar në Polici nga personi që e përdorte veturën.
“Ankuesi mashkull K-Shqiptar ka raportuar se nga persona të panjohur është dëmtuar xhami i veturës zyrtare (Pronë e Ministrisë së Mjedisit). Policia po e heton rastin”, njofton Policia e Kosovës.
Rastet e dëmtimeve të veturave zyrtare, në muajt e fundit, janë rritur dukshëm, por deri më tani asnjë person i dyshuar nuk është arrestuar nga policia. /tesheshi.com/
