Forcat irakiane të sigurisë hapën zjarr ndaj protestuesve në Bagdad, në ditën e katërt të demonstratave kundër korrupsionit, papunësisë dhe shërbimeve të dobëta publike.
“Forcat e sigurisë qëlluan pa kontroll kundër demonstruesve, dhe jo në ajër”, raportoi një korrespodent i agjencisë së lajmeve AFP. Nuk kishte asnjë raport të menjëhershëm për viktima.
“Këta protestues tani janë shpërndarë në rrugët e lagjeve dhe atje po zhvillohen beteja”, tha Imran Khan i Al Jazeera, duke raportuar nga Bagdadi.
Me gjithë të shtënat, kryeqyteti irakian ishte kryesisht i qetë përpara namazit të së premtes.
Dhuna shpërtheu edhe më shumë në komentet kur kryeministri po shkonte në TV shtetëror për t’i njoftuar demonstruesit se “kërkesat e tyre legjitime” ishin dëgjuar dhe u kërkonte të qëndronin në shtëpi.
Kryeministri Adel Abdul Mahdi krahasoi masat e ashpra të sigurisë si ndërprerja e internetit dhe urdhri i shtetrrethimi – si “ilaç i hidhur” që duhej të gëlltitej.
Ai tha se trazirat mund të çonin në “shkatërrimin e shtetit”, por nuk pranoi të përgjigjet drejtpërdrejt ndaj kërkesave të protestuesve.
Tubimet shpërthyen spontanisht të martën – kryesisht nxitur nga të rinjtë që duan punë, shërbime të përmirësuara siç janë elektriciteti dhe uji, dhe përfundimi i korrupsionit endemik në vendin e pasur me naftë.
Iraku ka rezervat e katërta më të mëdha të naftës, sipas FMN, por shumë nga popullsia 40 milionëshe jeton në varfëri dhe pa kujdes të mirë shëndetësor, arsim, apo furnizim me energji dhe ujë. /tesheshi.com/
