Në pjesën veriore të Mitrovicës, në orët e hershme të mëngjesit janë djegur tri vetura.
Në rrugën Vasilije Ostroshki në Mitrovicë së pari është djegur vetura “Mercedes” me pronar policin e Kosovës, ndërsa flakët kanë përfshirë edhe një veturë tjetër të parkuar afër tij, njoftojnë mediat serbe.
Gjatë natës së mbrëmshme është djegur edhe një veturë tjetër e tipit “Fiat”, pronë e Drejtorisë për hapësira banesore e afariste, citon Tanjug deklaratën e Zhelko Bojiq, shefit rajonal të operativës së Kosovës.
“Policia ka bërë shikimin e vendit të ngjarjes dhe sipas rezultateve preliminare me siguri bëhet fjalë për zjarrvënie të qëllimshme. Hetimet rreth këtyre rasteve janë hapur ndërsa për motivet tash për tash nuk mund të flitet”, citohet të ketë thënë Bojiq. /tesheshi.com/
