Dyshohet që krimi ordiner serb në në veri të Kosovës të ketë goditur fort duke i vënë zjarrin makinës së një efektivi policor dhe të një gazetareje të një portali.
Sipas një burimi konfidencial, makinës tip Renault Megane i është vënë zjarri rreth orës 3:30 të mëngjesit në fshatin Kajkovo të Leposaviqit, pronë e togerit të Policisë së Kosovës, Zoran Radunoviq.
Bëhet fjalë pikërisht për efektivin policor i cili ka ndaluar ditë më parë një kamion me pije kontrabandë në Veri, lajm i dhënë dhe nga portali tesheshi.com.
Dyshohet pra se Radunoviqit i është djegur makina nga pjesëtarë të krimit të organizuar nëVeri, në shenjë paralajmërimi për atë që ka bërë e mos ndërmarrë ndonjë hap të mëtutjeshëm.
Ndërkaq, z/drejtori i Policisë për rajonin e veriut, Besim Hoti, ka theksuar se makina Renault Megane, nuk është pronë e togerit Radunoviq, por e djalit të tij.
Në anën tjetër, një makinë tip Ford është djegur pas orës 2:00 të mesnatës në Veri të Mitrovicës, pronë e gazetares Nevenka Mediq, e cila punon në portalin Kossev në veri të Mitrovicës.
Për këtë rast ka dyshime që ajo të jetë djegur nga një lidhje e shkurtër në rrjetin elektrik, por që hetimet vijojnë për të vërtetuar shkakun e vërtetë, nese dhe kjo djegje ka lidhje me të parën, pikërisht nga aktiviteti i gazetares. /tesheshi.com/
