Dietologia Blerina Bombaj ka bërë një klasifikim në faqen e saj të Facebook, ku tregon se cili është ushqimi i preferuar, apo “mbreti” i muaji nëntor. Ajo ka vendosur në krye të shportës së ushqimeve për këtë stinë, spinaqin.
Ai është mbreti i gjetheve jeshile. Te spinaqi gjenden në formë të përqendruar shumë minerale, vitamina dhe antioksidantë, të cilët i japin organizmit tonë një mbrojtje totale ndaj kancerit, sëmundjeve të zemres, osteoporozës dhe kataraktit.
Këshillë: Spinaqi është delikat dhe duhet gatuar sa me shpejt me zierje fare të lehtë. Mundësisht në avull ose një të zhytur në ujë të vluar për vetëm 1 minutë. Sa më shumë të qendrojë pas korrjes, aq më shumë i humbasin vitaminat që ka!
Ide gatimi:
Preferojeni spinaqin e vogël të freskët në sallata dhe shoqërojeni me vajra esenciale si vaji i ullirit ekstra i virgjer, fara të ndryshme, arra ose bajame. Në këtë mënyrë maksimalizoni përthithjen e luteinës dhe antioksidantëve të tjerë.
Nëse vuani nga kapsllëku, lëngu i spinaqit të freskët, të shtrydhur mund të ketë efekt të shkëlqyer. Konsumojeni esëll në mëngjes./tesheshi.com/
