Që të gjithë i njohim dobitë që ka uji, i cili na ndihmon për të qëndruar të rinj si dhe pastron trupin nga toksinat. Por pirja e ujit ka rol të rëndësishëm edhe për t’u dobësuar.
Natyrisht kjo dietë duhet shoqëruar nga një aktivitet fizik konstant dhe një dietë e shëndetshme dhe e ekuilibruar për të patur rezultate në pak kohë në trupin tuaj.
Ushqimet që duhet të përdorni në dietën e ujit, janë ato të pasura me fibra dhe lëngje, si frutat, perimet, por edhe bishtajat dhe peshku.
Lejohet edhe buka dhe makaronat, por në sasi minimale. Rregulli bazë i kësaj diete është që të pini ujë me stomakun bosh. Tetë gota me ujë të shpërndara gjatë ditës, para vakteve kryesore. Dy gota para mëngjesit, dy gota para drekës, dy gota para darkës dhe ndërmjet vakteve pini dy gotat e tjera.
Ndërkohë në mëngjes mund të pini edhe një gotë qumësht të shoqëruar me drithëra. Ndërsa për drekën këshillohet të alternohet supa me peshkun e zgarës dhe me patate të ziera. Ndërsa në darkë hani pak makarona me perime, por jo racionin e plotë./tesheshi.com/
