Një dietë që ju lejon të humbni në peshë brenda pak ditësh është përhapur gjerësisht gjatë kohëve të fundit në Amerikë dhe duket se po bëhet pjesë edhe e vendeve të Ballkanit.
Quhet “Bulletproof coffee” dhe është “moda” e fundit e të të ushqyerit për të humbur në peshë. E përdorur nga shumë personazhe VIP dhe sportistë, konsiston në përdorimin e gjalpit në vend të sheqerit, kur konsumohet kafja.
Ai që ka folur fillimisht për këtë regjim ushqimor është Dave Asprey, president i Institutit të Shëndetësisë në Silicon Valley. Metoda konsiston në zëvendësimin e mëngjesit me një “pije magjike” – kafe pa mikrotoksina, një lugë çaji me gjalpë të cilësisë së lartë dhe disa pika vaji të pastër, në mënyrë që të digjen kaloritë, të rritet përqendrimi dhe të eliminoni yndyrnat e trupit. Ky mëngjes ju lejon që të ndjeni ndjesinë e ngopjes deri në vaktin e drekës.
Është një recetë, e cila nuk u leverdis dhe aq shumë mjekëve nutricionistë. Dieta zëvendëson një vakt shumë të rëndësishëm të ditës, mëngjesin, me këtë pije energjike që ju heq ndjesinë e urisë.
Dave Asprey-t i erdhi ideja e dietës së “kafes me gjalpë” gjatë një udhëtimi në Tibet. /tesheshi.com/
