Sulmuesi i Çelsit u dha fund mbrëmë zërave që flisnin për një thyerje të tij me drejtuesit teknikë të skuadrës angleze e për çantat e bëra gati për një largim drejt futbollit anglez.
Diego Costa u kthye të luajë për londinezët pas një mungese të shkurtër, duke shënuar dhe një gol në fitoren 2-0 të Çelsit ndaj Hall Sitit.
Loja dhe goli i 28-vjeçarit ishin përgjigjja se ai nuk kishte asnjë plan për t’u larguar drejt Kinës, një destinacion i bërë i dashur për shumë futbollistë për shkak të milionave të paguara pa hesap për ta.
Antonio Conte u shfaq gjithashtu mjaft i kënaqur për kthimin fantastik të lojtarit, që u tha se kishte patur një përplasje me të, për çka mungoi në fitoren e thellë ndaj Lestër Sitit një javë më parë.
“Jam i kënaqur për të, për tifozët dhe klubin. Sot (dje) ai i dha fund çdo lloj spekulimi,” deklaroi tekniku italian pas fitores me Hall Sitin.
Diego Costa e kryeson listën e golashënuesve të kampionatit anglez së bashku me Sanchez-in e Arsenalit. Të dy ata kanë shënuar nga 15 gola në 22 javë. /tesheshi.com/
