Fabula e filmit “Die Hard” me protagonist Bruce Willis duket se ka marrë një kuptim tjetër për ukrainasit në këtë vit të vështirë.
Aventura e Krishtlindjes e vitit 1988 me protagonist policin e ashpër John McClane, i cili përballet dhe mposht terroristët e pamëshirshëm, “i kujtoi” Ministrisë së Mbrojtjes së Ukrainës pushtimin rus dhe sesi Ukraina – kundër parashikimeve të shumë njerëzve – arriti t’i rezistojë përparimit të forcave të Putinit.
An underdog who wins against the bad guys. This is the kind of story we all enjoy.
Dedicated to all the die hards on the front line.
Ukraine will win!
Yippee Ki-Yay…! pic.twitter.com/JaZzqlOZA7— Defense of Ukraine (@DefenceU) December 26, 2022
Videoja e ngarkuar në llogarinë e zyrtare nga ministria ukrainase bazohet në pamjet nga filmi dhe krahasimi është i qartë. “Këtë Krishtlindje, Ukraina feston historinë se si operacioni special ushtarak i një terroristi arrogant u pengua nga një i huaj kokëfortë. Ishte plani perfekt dhe asnjë detaj nuk iu la rastësisë, derisa gjithçka shkoi keq. Lufta që ai kurrë nuk e ka dashur është ajo që nuk mund të përballojë ta humbasë. Këtë Krishtlindje, historia shekullore e Davidit dhe Goliathit është më e njohur për ne se kurrë”, thuhet në video.
Klipi imagjinativ, siç thotë mbishkrimi i postimit, i kushtohet të gjithë luftëtarëve në vijën e parë të frontit, të cilët janë…shumë të ashpër për të vdekur. /tesheshi.com/
