Futbolli holandez do të humbasë një tjetër emër në fushën e trajnimit. Pas tërheqjes më së paku të përkohshme të Louis van Gaal-it, është Dick Advocaat që ka lajmëruar se nuk do të drejtojë më asnjë skuadër kur sezoni në vijim të marrë fund.
Në krye të Fenerbahçes prej gushtit të shkuar, në një prej sezoneve më të dobëta të skuadrës turke në vitet e fundit, Dick Advocaat e ka bërë deklaratën e tërheqjes pas humbjes të së premtes të ekipit të tij.
Fenerbahçe u mposht 2-3 në shtëpi nga Konjaspori, e tani është dhjetë pikë prapa Beshiktashit kryesues. Me lajmërimin në fund të ndeshjes se do të largohej nga Fenerbahçe, ai e bashkëshoqëroi atë dhe me vendimin për të mos e bërë më këtej e tutje dhe detyrën e trajnerit.
Tekniku 69-vjeçar ka drejtuar shumë ekipe gjatë karrierës së tij, qofshin ato përfaqësuese apo klube. Holanda, Koreja e Jugut, Belgjika, Rusia dhe Serbia e patën atë si trajner në kohë të ndryshme.
Ndërsa ai zgjodhi të drejtojë dhe klube si Eindhoveni, Glasgou Rejnxhërs, Borusia e Mynshegladbahut, Zeniti, Alkmari, Sandërlendi e Fejënordi. /tesheshi.com/
