Aktori i Hollivudit Leonardo DiCaprio takoi aktivisten për klimën Greta Thunberg, duke shfaqur dashuri ndaj saj për kauzën që ajo përfaqëson.
DiCaprio e quajti 16-vjeçaren “udhëheqësen e kohës sonë”,. Fituesi i Oskarit tha se ishte i nderuar që takoi Thubergun.
Ai postoi një fotografi të takimit në Instagram dhe tha:
“Ka momente të rralla në historinë njerëzore kur zëri i dikujt dëgjohet kaq fuqishëm. Greta është bërë udhëheqësja e kohës sonë.”
Ai tha se beson që Thunberg ka qenë në gjendje t’u tregojë liderëve botërorë se koha e pasivitetit ndaj ndryshimit të klimës duhet të marrë fund.
“Për shkak të Gretës dhe aktivistëve të tjerë të rinj, unë jam optimist për të ardhmen”, theksoi aktori i njohur.
Ai tha se ishte i nderuar që e takoi dhe ranë dakord të mbështesin njëri-tjetrin në mënyrë që të sigurojnë një të ardhme më të mirë për planetin Tokë. /tesheshi.com/
