Një shtetase humbi jetën në lumin Drini i Zi, në njësinë Shupenzë. Mësohet se viktima është 55-vjeçarja F.D, e cila ka hyrë në lumë për të shpëtuar mbesat e saj.
Burime zyrtare nga policia bënë të ditur se ngjarja e rëndë ka ndodhur pranë vendit të quajtur ura e Topojanit, ku dy vajzat e mitura O.D, 8 vjeçe, O.D, 4 vjeçe, po laheshin.
Vajzat janë rrëmbyer nga lumi dhe më pas është futur shtetësja F.D, për ti shpëtuar por për pasojë është mbytur.
Të miturat janë shpëtuar nga pushuesit që ndodheshin pranë zonës së lumit.
Shtetësja F.D, është transportuar menjëherë në spitalin e Peshkopisë por pa shenja jete.
Vajzat e mitura janë jashtë rrezikut për jetën. /tesheshi.com/
