BE ka reaguar nga lajmi se palët, ata në Prishtinë e Beograd, do takohen në Uashington për rifillimin e dialogut, lajmëruar kjo me entuziazëm nga i dërguari Richard Grenell.
Por sipas Brukselit, BE s’mund ta anashkalohet.
“BE-ja ka qenë duke e ndihmuar dialogun që nga fillimi. E ardhmja evropiane e vendeve është e mundur vetëm përmes dialogut të realizuar nga BE-ja. Nuk ka mënyrë që kjo të anashkalohet. Gjithçka që ata merren vesh më tej, duhet të përshtatet në dialogun me BE-në”, tha zëdhënësi i shefit të BE-së për Politikë të Jashtme, Josep Borrell, Peter Stano.
Ndërkohë, i dërguari Lajçak, sapo mbërriti në Prishtinë, foli për takime dialogu në Bruksel.
Ai u tha gazetarëve në Prishtinë se ai i dinte datat e takimeve për vazhdimin e dialogut, pra në Bruksel, por që nuk mund t’i njoftonte ato për tani.
“Unë kam data, por nuk mund t’i publikoj tani për tani, sepse duhet të koordinohem me partnerët dhe nuk kemi kohë për të humbur,” tha Lajçak. /tesheshi.com/
