Kryeministri serb Aleksandar Vuçiç përcaktoi 27 gushtin si afatin kur do të zgjidhen “të gjithë gjërat” në dialogun me Prishtinën. Raundi i radhës në Bruksel, do të mbahet, sipas tij, kur të ketë siguri se mund të bëhet progres.
Në Beograd po qëndron një delegacion i Brukselit, i cili sipas agjencisë së lajmeve TANJUG, do të bisedojë me autoritetet për zbatimin e marrëveshjes për sigurimin e automjeteve me Prishtinën.
Ndërsa në Prishtinë presin që presioni i kancelares Merkel dhe ai ndërkombëtar në përgjithësi të japin rezultate për bindjen e Beogradit të zbatojë marrëveshjet, Vuçiç thotë se për të njëjtat arsye beson se do të ketë një qasje konstruktive nga Prishtina. /tesheshi/
