Janë bërë dy javë kur pala serbe ndërpreu dialogun me Kosovën, kjo për shkak të vrasjes së liderit të Iniciativës Qytetare Serbe “Liri, Demokraci, Drejtësi”, Oliver Ivanoviç.
Mirëpo, kreu i delegacionit kosovar në bisedimet me Serbinë, Avni Arifi, ka bërë të ditur se dialogu pritet të rifilloj shumë shpejt.
“Datë të saktë nuk ka mirëpo në fund të muajit shkurt do të rifilloj dialogu Kosovë-Serbi”, ka thënë Arifi për Telegrafin, pa treguar se cilat do jenë temat e diskutimit.
Dialogu ka qëllim normalizimin e raporteve ndërmjet Kosovës dhe Serbisë, si dhe integrimin e komunitetit serb në kuadër të sistemit ligjor të Kosovës.
Zbatimi i marrëveshjeve dhe obligimeve nga ky dialog, dy shteteve u është vënë si kusht në rrugën e tyre drejt integrimeve evropiane. /tesheshi.com/
