Aleanca e Atlantikut të Veriut mbështet fuqimisht dialogun mes Serbisë dhe Kosovës dhe, kur është fjala për “Harmonizim të mundshëm kufirit”, shpreson që të dy palët të gjejnë një zgjidhje të pranueshme – tha të hënën Sekretari i Përgjithshëm i NATO-s, Jens Stoltenberg.
Ai tha se në prag të takimit të ministrave të jashtëm të vendeve anëtare të NATO-s në Bruksel, që do të më 5 dhjetor, së bashku me Përfaqësuesin e Lartë të BE-së, Federica Mogherini, do diskutojnë “marrëdhëniet e NATO-s me vendet e Ballkanit Perëndimor”.
I pyetur nëse Aleanca Atlantike ka frikë se zgjidhja në dialogun ndërmjet Serbisë dhe Kosovës, i cili mund të përfshijë dhe “korrigjimin e kufirit”, do të mund të ketë pasoja për sigurinë, Stoltenberg tha se “NATO-ja mbështet fuqishëm dialogun midis Serbisë dhe Kosovës, sepse kjo është e vetmja mënyrë për të gjetur përgjigje për pyetje të pazgjidhura”.
Kreu i Aleancës Atlantike tha gjithashtu se “të gjithë aktorët duhet të përmbahen nga lëvizjet sfiduese dhe mesazhet provokuese dhe të përpiqen të zvogëlojnë tensionin e të bëjnë përparim”.
Ai theksoi se “NATO do të vazhdojë të jetë prezent në Kosovë më anë të misionit operativ të KFOR-it, i cili është i rëndësishëm për stabilitetin”. /tesheshi.com/
