Kryeministri i Kosovës Abdullah Hoti tha se ai pret një datë tjetër nga Uashintoni për një takim me planë serbe, pas anullimit të 27 qershorit, sipas një skeme që binte erë komplotizëm politik, ku Specialja e Hagës publikoi një aktakuzë për presidentin Thaçi, pikërisht tre ditë para takimit të negociuar nga i dërguari Grenell.
“Unë jam i gatshëm dhe në koordinim me ambasadorin Grenell për të caktuar një datë ku do të ulemi së bashku për të filluar procesin e dialogut, me një agjendë fillimisht ekonomike dhe pastaj për të kaluar te çështjet politike të dialogut”,tha Hoti gjatë një vizite në Tiranë, në konferëncën e përbashkët për shtyp me homologun Rama.
Ky i fundit nga ana tjetër, tha se nga Vuçiç nuk duhet pritur që ta shpallë njohjen e Kosovës. “Nuk mund të presim që Vuçiç të deklarojë se do njohë pavarësinë e Kosovës”, tha Rama, i cili i përcolli gjithashtu një mesazh presidentit serb se ai nuk mundej dot të mos bisedonte me palën kosovare për cështjen e Kosovës, si përgjigje kjo ndaj një deklaratë të Vuçiçi se ai do bisedonte vetëm me ndërkombëtarët për këtë çështje.
“Nëse ne jemi një, presidenti i Serbisë mund të shkojë edhe në Hënë, por në fund do të ulet me ne, autoritetet e shtetit sovran të Kosovës, që e njeh apo nuk e njeh ai është sovran dhe i paprekshëm në sovranitetin e vet dhe me ne në Tiranë, që do të mbështesim deri në fund, Prishtinën Përballë deklaratave të tilla provokuese ka dy rrugë, njëra barrikadimi, tjetra përballimi. Barrikadimi është në dëmin tonë, jo në dëm të Serbisë.
Përballimi sy më sy dhe drejt për drejt me mjetet e paqes, është sfida jonë, fiton kush është më i mençur dhe të tregojë forcën e mendjen dhe të largpamësisë. Nuk fiton kush bën të fortin me Facebook apo deklarata përçarëse duke shfrytëzuar emocione apo konjuktura të brendshme që po shpëton atdheun nga tradhtarët.
Duhet të bësh çmos për të bërë paqe, jo për fqinjët, por për të ardhmen”, theksoi Rama. /tesheshi.com/
