Administrata Amerikane e Ushqimit dhe Barnave (FDA) lëshoi të dhëna mbi sigurinë dhe efektivitetin e vaksinës së Moderna-s, duke treguar se ajo funksionon shumë mirë në parandalimin e infeksionit COVID-19, veçanërisht në disa nga rastet më të rrezikshme.
Të dhëna të reja mbi injeksionet e Moderna-s erdhën vetëm një ditë pasi vaksina COVID-19 e Pfizer-it filloi të shpërndahej në të gjithë Shtetet e Bashkuara.
Por vlerësimi i FDA për vaksinën e Moderna-s, e cila ka të ngjarë të bëhet vaksina e dytë e aprovuar e koronavirusit në Shtetet e Bashkuara, nuk ishte aq e ndritshme sa e Pfizer-it, megjithëse është pothuajse identike kur bëhet fjalë për parandalimin e infeksionit, me 94 përqind.
Sciencealtert ka publikuar një tabelë të FDA që tregon se sa mirë ishte mbrojtur një grup prej më shumë se 15,000 pjesëmarrësish në studim që morën vaksinën e Moderna-s krahasuar me më shumë se 15,000 që morën injeksion placebo ose “të padobishëm”.
Sipas Sciencealert, vaksina e Moderna-s, ashtu si e Pfizer-it, fillon të sigurojë mbrojtje 14 ditë pas injeksionit të parë.
Por është e vështirë të thuash se sa do të mjaftonte kjo mbrojtje më vete, sepse pothuajse të gjithë në studimin e Moderna-s morën një dozë të dytë, 28 ditë pas së parës.
Një dozë e dytë vijoi gjithashtu për Pfizer-in, 21 ditë më vonë.
Dhe këtu janë rezultatet:
Vetëm 11 raste të infeksionit u raportuan në grupin e Moderna-s të vaksinuar kundër COVID-19. Në grupin e kontrollit, 185 persona kanë kontraktuar COVID-19.
Gjithashtu nuk kishte raste serioze të COVID-19 midis individëve të vaksinuar. Grupi i kontrollit kishte 30 pjesëmarrës shumë të sëmurë COVID-19 pozitivisht dhe një vdekje.
Efektet anësore në studim ishin përgjithësisht të lehta, por 17 përqind e pjesëmarrësve raportuan probleme serioze pas vaksinimit, duke përfshirë dhimbje koke, ethe dhe dhimbje, me disa nga këto efekte që zgjasin për dy deri në tre ditë.
Efektet anësore të rënda në studimin e Moderna-s ishin më të zakonshme tek pjesëmarrësit më të rinj të studimit, më të rinj se 65 vjeç. Disa njerëz në studimet e vaksinave të koronavirusit (si Pfizer ashtu edhe Moderna) madje morën një ditë pushim për t’u rikuperuar.
FDA ka të ngjarë të lëshojë një aprovim emergjent për vaksinën e Moderna-s, duke e bërë atë të dytin në dispozicion për të luftuar pandeminë e koronavirusit dhe pritet këtë të premte, thanë burimet për Neë York Times. /tesheshi.com/
