Aktori Bruce Willis ka demencë frontotemporale, njoftoi familja e tij në mediat sociale, duke shtuar se ishte “një lehtësim që më në fund të kishim një diagnozë të qartë”, raportoi BBC.
Willis, 67 vjeç, u diagnostikua me afazi – e cila shkakton vështirësi në të folur – në pranverën e vitit të kaluar, por ajo ka përparuar dhe atij i është dhënë një diagnozë më e saktë, tha familja.
Ata shprehën “mirënjohjen e tyre më të thellë për derdhjen e pabesueshme të dashurisë”.
Nuk ka kura për sëmundjen
Familja raportoi se demenca frontotemporale është forma më e zakonshme e demencës tek njerëzit nën moshën 60 vjeç.
“Sot nuk ka kura për këtë sëmundje, një realitet që shpresojmë se do të ndryshojë në vitet në vijim”, thuhet në deklaratën e tyre.
Willis u bë një emër i njohur në vitet ’80 dhe ’90 pasi luajti në filma si “Die Hard”, “The Sixth Sense”, “Armageddon” dhe “Pulp Fiction”.
Ai u nominua për pesë Golden Globes dhe fitoi një, për rolin e tij në Moonlighting. Ai gjithashtu ishte në garë për çmimin Emmy, tre herë, dhe dy herë u bë laureat.
Por vjen një ditë që rinia, fuqia, bukuria, fama, ikin të gjitha, duke ia lënë vendin pleqërisë, telasheve të shëndetit e të tjerave, deri sa vjen ajo, e padiskutueshmja vdekje. Por nuk mbarron këtu; të pret llogaria e rëndë për jetën që t’u dhurua se si u solle me të… /tesheshi.com/
