Nuk është e vërtetë që diabeti prek vetëm personat më moshë të madhe. Një studim i kryer së fundmi tregon tërësisht të kundërtën. Bëhet fjalë për rastin e një fëmije në moshë 3 vjeçare.
Ky rast ka ndodhur në Shtetet e Bashkuara të Amerikës dhe është analizuar nga ekspertët e mbledhur në takimin e përvitshëm të Shoqërisë Europiane për Studimin e Diabetit.
Sipas asaj që raporton agjencia italiane e lajmeve Ansa, vajza peshonte 35 kg dhe është kontrolluar për herë të parë nga specialistët e Health Science Center në Universitetin e Teksasit.
Pas diagnozës së parë, ekspertët kanë dalluar se dieta e gabuar dhe mungesa e ushtrimeve fizike kanë luajtur një rol shumë të rëndësishëm në patologjinë e të voglës. Megjithatë, vijimet e studimit kanë treguar më së miri se gjithçka mund të ndryshojë nëse ndryshon edhe stili i jetës së personave të prekur nga diabeti. Siç ndodhi fatmirësisht me vajzën e vogël, me origjinë spanjolle, e cila, pas një diete të mirë ushqimore arriti të dobësohet deri në 10 kilogramë./tesheshi.com/
