Klubi i futbollit i Manchester City-t ka njoftuar se nëna e trajnerit të tyre Pep Guardiola, Dolors Sala Carrio, ka ndërruar jetë nga koronavirusi.
Zonja Dolors ndërroi jetë në moshën 82 vjeçe në qytetin e Manresa-s pasi u infektua me koronavirus.
“Të gjithë në klub dërgojnë ngushëllimet e tyre të sinqerta në këtë kohë më stresuese për Pep, familjen e tij dhe të gjithë miqtë e tyre,” tha Manchester City.
Nuk dihet nëse nëna e Pep Guardiola vuante nga ndonjë sëmundje tjetër më parë.
Në Spanjë, 637 njerëz vdiqën nga infeksioni koronavirus të hënën, duke rritur numrin e vdekjeve në vend në 13.055.
Pep Guardiola është përfshirë në mënyrë aktive në luftën kundër pandemisë COVID-19 të shkaktuar nga përhapja e koronavirusit, duke dhuruar 1 milion euro muajin e kaluar për të blerë pajisje mjekësore dhe mbrojtëse për stafin në spitale që trajtojnë koronavirusin.
Katalonja, prej nga vjen Pep, është një nga provincat spanjolle më të prekura nga numri i të infektuarve. /tesheshi.com/
