PD ka vendosur të bëjë Bangladeshin pjesë të ligjërimit të saj elektoral.
Një thënie e Ramës me një biznesmen, se ai mund të merrte punëtorë nga Bangladeshi për nevojat e tij, te Basha është parë si një “dhuratë për fushatë”.
“Përgjigjja e vetme që dëgjuam nga njeriu që ka patur tetë vite përgjegjësinë për të zgjidhur këto probleme është: do sjellim punëtorë nga Bangladeshi. Ky është ndryshimi!
Programi ynë, ekipi ynë, vizioni ynë është ta çojmë Shqipërinë në Europë, jo të sjellim Bangladeshin në Shqipëri , apo standardet, apo punëtorët nga Bangladeshi në Shqipëri, por mbajmë rininë shkodrane, rininë shqiptare në Shqipëri”, tha Basha gjatë një qëndrimi në Shkodër.
Po aty, ai bëri dhe një premtim të ri: “Pika e parë te kultura ka të bëjë me financimin e mbi 20 mijë artistëve shqiptarë”. /tesheshi.com/
