Prokuroria ka vendosur që të procedojë penalisht gjashtë deputetë demokratë, duke i akuzuar për ushtrin dhune ndaj efektivëve policorë, brenda ambienteve të Drejtorisë së Policisë.
Fjala është për Flamur Nokën, Enkelejd Alibeaj, Gent Strazimirin, Klevis Balliun, Xhemal Gjunkshin, Anton Frrokajn.
Gjithçka është vendosur pas posedimit të një pamjeje filmike, ku deputetët në fjalë ushtrojnë dhunë ndaj dy policëve, ku njërin e marrin zhangazi e tjetrit i fusin duart në fyt.
Eshtë Prokuroria pranë Gjykatës së Shkallës së Parë, Tiranë, ajo që ka kryer hetime duke ngritur akuzë për veprën penale të “kundërshtim i punonjësit të policisë së rendit publik, kryer në përdorim të dhunës dhe në bashkëpunim, sipas nenit 236/2 te Kodit Penal.
Deputetët në fjalë mësynë në Drejtorinë e Policisë, duke kërkuar forcërisht lirimin e disa militantëve të ndaluar, pas një proteste të dhunshme të opozitës. /tesheshi.com/
