Edhe pse është cilësuar si një nga fushat më të qeta zgjedhore në vend, por në vetvete ka shënuar dhe incidente.
Pasditen e sotme mësohet se është dhunuar një eksponent i LSI-së në Fushë- Krujë, me levë në kokë, si dhe kryetarja e LSI-së dhe ajo e LRI-së në Pukë, nga persona ende të paidentifikuar, por që sipas eksponentëve të LSI-së, autorët janë persona të PS-së.
Mësohet se kryetarja e LSI-së në Pukë, Saimira Laçi dhe kryetarja e LRI-së, Romina Kuçi janë dhunuar në Fushë Arrëz.
Romina Kuçi ka marrë disa dëmtime dhe ndodhet në spitalin e Fushë Arrëzit. Ndërsa kryetarja e LSI-së njëkohësisht kandidate, Saimira Laçi është shprehur se është dhunuar nga persona të rëndësishëm të PS-së.
Sikundër e theksuam gjatë ditë së sotme është dhunuar dhe eksponenti i LSI-së Blerim Çela.
Lidhur me këtë sitatë të rëndë Lëvizja Socialiste për Integrim, ka reaguar ashpër.
Ish-kreu i LSI-së Ilir Meta, dhe nënkryetari i kësaj partie Luan Rama, kanë vizituar në Spitalin Ushtarak personin e lënduar.
Ndërsa me ta ndodhej dhe Nora Malaj, e cila ka shpjeguar edhe se si ka ndodhur ngjarja në zyrat elektorale të LSI-së në Fushë Krujë, ku Meta ka thënë se “me qetësi do ta marrin pergjigjjen”.
Ndërkohe kandidatja për deputete, Nora Malaj deklaroi se i lënduari ishte goditur me levë dhe ishte kërcënuar me armë zjarri. “Segmente të paidentikuara të policisë së Rilindjes, në bashkëpunim me këta të inkriminuar, sot, pa pikën e turpit, me pa përgjegjshmërinë më të madhe njerëzore e morale kanë goditur me levë dhe më pas i kanë drejtuar armët një qytetari, një mësuesi, një drejtuesi, i cili ishte dhe priste takimin elektoral. Është i pafalshëm dhe i paprecedentë ky rast”, tha Malaj./tesheshi.com/
