Uashingtoni do të shqyrtojë marrëdhëniet me Myanmar-in. Shkak është dhuna e filluar në javën e fundit të muajit gusht ndaj popullsisë myslimane Rohingya, e cila është pasuar me largimin e rreth 400 mijë personave drejt Bangladeshit.
Kombet e Bashkuara e kanë cilësuar “spastrim etnik” atë që po ndodh në Myanmar ndaj popullsisë myslimane, ndërsa qeveria vandase ka hedhur poshtë akuzat duke ia hedhur fajin kryengritësve Rohingya.
Senatori demokrat Ben Cardin thotë se qeveria e Myanmar-it duhet t’i japë fund krizës, ndërsa paralajmëron se administrata amerikane mund ta bëjë të qartë se këto veprime janë të palejueshme.
Shumë kritika janë përqendruar edhe ndaj udhëheqëses së Myanmar-it, Aung San Suu Kyi.
Aktivistja e vjetër për demokraci, tani është objektiv i dënimit ndërkombëtar mbi çështjen e popullsisë Rohingya. Analisti Joshua Kurlantzick, i tha Zërit të Amerikës se Aung San Suu Kyi ndoshta nuk mund të ndalojë ushtrinë, por ka veprime që ajo mund të ndërmarrë, nëse do të dëshironte.
Madje edhe nëse është e pafuqishme të ndalojë masakrën, shumë duan që ajo të paktën ta pranojë problemin. “Nga ana tjetër, laureatja e Çmimit Nobel për Paqen e ka minimizuar çështjen, dhe në disa raste e ka portretizuar popullsinë Rohingya si kërcënim”, thotë aktivisti për të drejtat e njeriut, Maung Zarni.
“Pikërisht për çështjen Rohingya, Aung San Suu Kyi dhe ushtria birmaneze po i përmbahen të njëjtit manual.”
Por disa në Uashington e shohin atë si shpresa më e mirë për ndryshime demokratike në Myanmar.
“Pikpamja ime personale është se nuk janë të dobishme kritikat vetëm ndaj saj kur ajo ndodhet në një pozitë shumë sfiduese”, thotë senatori republikan Mitch Mçonnell.
Por durimi po mbaron. Një grup senatorësh amerikan nga të dy partitë i kërkuan publikisht zonjës Aung San Suu Kyi, siç u shprehen ata që “ të zbatonte fjalët e sajë frymëzuese” dhe trajtojë represionin brutal ndaj popullsisë myslimane Rohingya.
Senatori John Mccain njoftoi këtë javë se do të tërhiqte një propozim për zgjerimin e bashkëpunimit ushtarak me Myanmarin.
Aktivisti Maung Zarn thotë se ky është hapi i parë .
“Para gjithçkaje, Shtetet e Bashkuara duhet të udhëheqin përpjekjet që Kombet e Bashkuara t’i cilësojnë si gjenocid krimet e shtetit të Myanmar-it”, shpreht ai. /tesheshi.com/
