Saddar-Ud-Din ka pritur trupin e djalit të tij në Spitalin Guru Teg Bahadur që nga e hëna. Djali i tij 32-vjeçar, Mohammad Furqan, u vra nga turmat hindu në zonën Kardam Puri, që ndodhet në verilindje të Neë Delhi.
Ai është një nga dhjetëra njerëz në pritje të kufomave të të afërmve të tyre të vdekur, jashtë morgut të spitalit GTB.
Numri i vdekjeve në trazirat që shpërtheu të martën, më të ashprar që goditën kryeqytetin indian gjatë dekadave të fundit, është rritur në 34.
Specifikimi i dhunës është gjithashtu fakti që në shumë raste policia është akuzuar për bashkimin me abuzuesit hindu kundër muslimanëve.
Rreth orës tre të pasdites, trupi i Furqan, i mbështjellë me beze, iu dorëzua familjes së tij.
“Furqan vdiq të hënën dhe ne kemi pritur për trupin e tij që nga ajo kohë,” i tha babai i tij 64-vjeçar.
Din shprehet se djali i tij, i cili punonte në një fabrikë në Kardam Puri, ishte qëlluar në këmbë dhe në bark nga protestuesit hindu 150 metra larg shtëpisë së tij.
Furqan, i cili është baba i dy fëmijëve, doli jashtë për të blerë ushqim për fëmijët e tij kur u prit dhe u qëllua nga një turmë hindush.
Din thotë se dëshmitarët i thanë që Furqan kishte rënë pasi u qëllua dhe se një turmë e kishte rrahur me shkopinj më pas.
“Hindusët dhe muslimanët kanë jetuar në harmoni për dekada në këtë zonë. Unë nuk e kam parë këtë situatë për dekada. Kjo është si masakra që ndodhi në vitin 1984 mbi Sikët, viktimat sot janë muslimanë ”, tha Din.
Sunil Kumar, drejtori i Spitalit Guru Teg Bahadur, i cili trajtoi të dëmtuarit, tha në një konferencë për shtyp se 20 persona u vranë në dhunë, duke përfshirë një oficer policie.
Trazirat filluan të dielën pasi mbrojtësit e Aktit të Qytetarisë (CAA), i miratuar nga parlamenti në dhjetor, filluan të sulmojnë muslimanët që e kundërshtojnë atë.
AAC-ja është etiketuar anti-muslimane dhe ka ngjallur një valë protestsh në Indi. /tesheshi.com/
