Mijëra njerëz në të gjithë Francën protestuan kundër një ligji të propozuar që do të ndalonte filmimin e oficerëve të policisë. Në Paris, policia hapi gaz lotsjellës në drejtim të protestuesve të cilët hodhën piroteknikë, shishe dhe sende të tjera ndaj tyre, duke dëmtuar disa vitrina dyqanesh dhe duke djegur makinat e parkuara në rrugë.
Ministri i Brendshëm francez Gerald Darmanin tha të paktën 22 persona ishin arrestuar në protesta dhe vlerësoi policinë për marrëdhëniet me “individë shumë të dhunshëm”.
Ligji për sigurinë u miratua nga Asambleja e Francës dhe përmban nenin 24, i cili ndalon fotografimin e policisë në kryerjen e detyrave të tyre dhe shpërndarjen e këtyre imazheve në rrjetet sociale dhe në shtyp. Ata që shkelin këtë ligj përballen me një vit burgim dhe një gjobë prej 45,000 euro.
Kritikët kanë frikë se në formën e tij aktuale, ligji mund të shkelë lirinë e shtypit dhe ta bëjë më të vështirë ekspozimin e brutalitetit të policisë.
Anëtarët e parlamentit kanë njoftuar se do të rishikojnë nenin e diskutueshëm të ligjit.
Ngjan si një ironi fakti se këto protesta të dhunshme ndodhin pikërisht në vendin e një revolucioni dikur të dhunshëm, ai i vitit 1789, prej nga bota morri një tjetër kahje historike. /tesheshi.com/
https://twitter.com/i/status/1335251725188550659
Top story: @CharlesBaudry: '🔴Intervention en cours de la BRAV-M qui doit utiliser des gaz lacrymogènes. Tensions en cours. #StopLoiSécuritéGlobale #Paris #LoiSecuriteGlobale #5decembre ' pic.twitter.com/vvvqUKnt9l, see more https://t.co/4uXiDBG4kG
— Yann de Tod (@yanndetod) December 5, 2020
