Kongresi i udhëhequr nga demokratët ka miratuar një projekt-ligj që pjesërisht përfundon bllokadën 21-ditore të qeverisë dhe disa agjencive federale, raporton Reuters.
Megjithatë, nuk është e sigurt se ky ligj do të miratohet dhe në Senat, ku republikanët janë pjesa më e madhe, për shkak se udhëheqësi i tyre Mitch Mçonnell njoftoi se propozimi nuk do të sjellë një votim.
Dhoma e Përfaqësuesve gjithashtu mbështeti një paketë masash për të paguar pagat në mënyrë retrospektive për më shumë se 800,000 punonjës në zyrat federale, të cilat Senati ka miratuar të enjten.
Bllokada e administratës ishte për shkak të mosmarrëveshjes së demokratëve dhe republikanëve lidhur me kërkesën e presidentit Donald Trump për një fond prej mbi 5 miliard dollarë për të ndërtuar një mur në kufirin me Meksikën.
Trump, nga Teksasi, edhe një herë tha se mund të deklaronte një “gjendje emergjence”, e cila i jep atij kompetenca të veçanta për të anashkaluar Kongresin në marrjen e një vendimi për të financuar ndërtimin murit. /tesheshi.com/
