Dhoma e Përfaqësuesve të Kongresit miratoi një rezolutë që kufizon fuqitë e Presidentit Donald Trump në veprime të mëtejshme ushtarake kundër Iranit, e kjo ditë pasi ai urdhëroi një sulm që vrau komandantin ushtarak iranian Qassem Soleimani.
Dhoma e Përfaqësuesve e kontrolluar nga Demokratët votoi 224 me 194 për rezolutën, pasi akuzuan Trump se vepronte në mënyrë të pamatur.
“Presidenti duhet të shpjegojë arsyet e tij më parë, jo pasi bëri një sulm të pamatur, dhe pastaj të kërkojë arsye pse ishte e nevojshme dhe e ligjshme”, tha Eliot Engel, kryetari i Dhomës së Përfaqësuesve.
Nga ana tjetër, Republikanët akuzuan Demokratët se rrezikojnë vendin duke miratuar një rezolutë që ata e konsiderojnë një “gjest të zbrazët politik” në fillim të vitit në të cilin do të mbahen zgjedhjet presidenciale.
“Në vend që të mbështesin presidentin, homologët e mi demokratë po ndajnë amerikanët në një pikë kritike”, tha republikani Mike Mçaul në një deklaratë, duke thënë se rezoluta do të “lidh duart e presidentit”.
Fati i rezolutës në Senat është i pasigurt, pasi republikanët kanë 53 nga 100 vendet dhe rrallë votojnë kundër presidentit, por deri tani të paktën dy senatorë republikanë – Rand Paul dhe Mike Lee – kanë shprehur mbështetjen për masën. /tesheshi.com/
