Një tërmet me magnitudë 6.6 gradë të shkallës Rihter goditi pjesën perëndimore të Kinës, njoftoi Instituti Gjeologjik i Shteteve të Bashkuara, dhe ekziston frika se rreth 100 persona kanë humbur jetën, ndërsa mijëra të tjerë janë plagosur, raporton AFP.
Bazuar në vlerësimet e para, Komiteti Kombëtar kinez për Situata Emergjente ka thënë se tërmeti ka përfshirë një rajon të largët të provincës Sichuan, me ç’rast u dëmtuan 130.000 shtëpi, sipas agjencisë franceze.
Zyrtarë të Agjencisë kineze të lajmeve Xinhua kanë njoftuar se pesë persona kanë humbur jetën, ndërsa 60 të tjerë janë plagosur, në mesin e tyre 30 vetë që janë në gjendje kritike, por Komisioni Kombëtar kinez vlerëson se janë rreth 100 viktima, sipas regjistrimit të vitit 2010 në këtë pak të populluar malore.
Epiqendra ishte 200 kilometra në veriperëndim të Guangyuan në Sichuan, dhe ka ndodhur në një thellësi prej 32 kilometrash, sipas Reuters.
Xinhua raporton se tërmeti ka shkaktuar dëmtimin e disa prej ndërtesave dhe se autoritetet po organizojnë të rinjtë për të ndihmuar evakuimin e numrit të vogël të popullatës. /tesheshi.com/
