Dhjetori po sos dhe parashikimi i Haradinajt për liberalizim vizash po dështon gjithashtu.
Ndaj, kryeministri në ikje i Kosovës është detyruar që të japë një shpjegim për këtë, duke e gjetur përgjegjësinë te mosformimi i qeverisë së re.
“Për vonesën e liberalizimit të vizave ka ndikuar edhe vonesa në formim të institucioneve. Besoj që kjo na ka krijuar problem”, tha Haradinaj.
Ai dha një datë tjetër për finalizimin e procesit të shumëpritur, fundshkurtin ose fillimmarsin, por eurodeputetja Tanja Fajon nuk ndan të njëjtën bindje.
“Fatkeqësisht nuk ka ndonjë zhvillim në çështjen e liberalizimit të vizave për Kosovën. Komisioni Europian konfirmoi përmbushjen e kritereve, dhe Parlamenti Europian e ka aprovuar mandatin e tij të negociatave, përsëri në shtator pas zgjedhjeve”, tha gruaja që u angazhua dhe finalizoi liberalizimin e vizave me Shqipërinë në 2010-ën. /tesheshi.com/
