Departamenti për Çështjet Fetare i Turqisë, i njohur si Diyanet, do të riparojë dhjetëra xhami në Siri të dëmtuara apo të rrënuara nga konflikti gjashtëvjeçar.
Në bashkëpunim me Kryeministrinë, Diyanet-i synon të riparojë apo të ndërtojë 66 xhami në tokën siriane.
Drejtori i përgjithshëm i këtij organizmi, Mustafa Tutkun, i ka bërë të ditur agjencisë turke të lajmeve Anadolu Agency se do të vihet dorë për riparimin apo ndërtimin e xhamive në ato zona ku ka patur aktivitetin e tij operacioni “Mburoja e Eufratit,” si në Xherablus, në Azez apo në Çobanbej.
Një nismë e nisur tashmë me riparimin dhe hapjen e disa xhamive në Xherablus, një prej objektivave të parë në nisje të operacionit “Mburoja e Eufratit”, e të pëmbyllur me sukses.
Veç kësaj, këtej kufirit, në lindje dhe në juglindje të Turqisë, sipas zyrtarit të cituar më sipër, janë riparuar dhe janë rihapur 127 xhami të dëmtuara nga terrori i PKK-së. /tesheshi.com/
