Më së paku 60 persona janë vrarë në një sulm mbi një një qendër stërvitore të policisë në Kuetta të Pakistanit. Më shumë se 100 të tjerë janë të plagosur.
Pjesa më e madhe e të vrarëve ishin kadetë, në një sulm që ndodhi vonë të hënën e që zgjati për pesë orë.
Numri i të vdekurve mund të rritet, pasi shumë kadetë janë të plagosur rëndë.
Sulmi nisi ndërsa pesë apo gjashtë njerëz të armatosur mësynë në fjetoren brenda qendrës stërvitore në kohën që kadetët po flinin.
Lashkar-i Xhangvi, një grup i nxjerrë jashtë ligjit, e ka marrë përgjegjësinë për sulmin. Ky grup ka kryer dhe më herët sulme mbi forcat e sigurisë në vend.
Kuetta është kryeqyteti provincial i Baluçistanit. Nacionalistët e Baluçistanit janë përplasur me forcat qeveritare për mbi një dekadë për kontrollin mbi burimet minerale lokale. Ka prej tyre që kërkojnë dhe ndarjen e provincës nga Pakistani. /tesheshi.com/
