Më së paku 45 njerëz janë vrarë dhe shumë të tjerë janë plagosur kur një makinë-bombë shpërtheu këtë mëngjes në një fshat pranë el-Babit në Siri.
Sipas Al Jazeera-s, një numër i madh civilësh ishin mbledhur në një pikë kontrolli kur papritur ka shpërthyer makina-bombë.
Ndërsa Observatori Sirian për të Drejtat e Njeriut deklaroi se makina-bombë kishte shërthyer jashtë një zyre sigurie ku qenë mbledhur civilë në kërkim të lejes për t’u kthyer në el-Bab.
Kryengritësit sirianë të mbështetur nga Turqia nxorën një ditë më parë ISIS-in nga el-Babi pas disa javësh luftime. El-Bab ishte fortesa e fundit e rëndësishme e ISIS-it në veriperëndim të Sirisë.
Daily Sabah jep një numër më të vogël të viktimave, por thotë se mes tyre ka luftëtarë të Ushtrisë së Lirë Siriane. /tesheshi.com/
