Përplasja e tre autobusëve dhe e një kamioni në rrugën kryesore automobilistike në veri të vendit la më e pakta 36 të vdekur, e më shumë se 84 të plagosur.
Ngjarja ndodhi në Huarmej, rreth 321 kilometra në veri të Limës, kryeqytetit të vendit.
Policia njoftoi se një autobus kaloi në korsinë e kundërt të rrugës, duke u përplasur me dy autobusë të tjerë, të pasuar më pas nga një kamion.
Të mbijetuarit treguan se ekipet e ndërhyrjes së shpejtë arritën pas tre orësh. Një pjesë e të plagosurve, mes të cilëve gjashtë në gjendje të rëndë, u transportuan me helikopter për në Lima.
Ky ishte aksidenti më i rëndë automobilistik në Peru që nga tetori i vitit 2013, kur 51 persona vdiqën pranë Kuzkos, pasi një kamion i tejmbushur mori tatëpjetë. /tesheshi.com/
