Një sulm me një kamion-bombë në një qendër stërvitore ushtarake në qytetin perëndimor libian të Zlitenit ka lënë dhjetëra të vdekur e të plagosur.
Raportohet se kamioni është përplasur në portën e qendrës stërvitore në qytetin bregdetar, 160 kilometra në lindje të Tripolit.
Agjencia libiane e lajmeve LANA lajmëron për vdekjen e më së paku 50 personave, ndërsa kryebashkiaku i qytetit flet për më e pakta 40 viktima teksa qindra rekrutë gjendeshin të mbledhur tok. Numri i të plagosurve është 127, gjithnjë sipas këtyre burimeve.
Përfaqësuesi i posaçëm i OKB-së në Libi, Martin Kobler, deklaroi se shpërthimi ishte një sulm vetëvrasës. /tesheshi.com/
