E premtja ka qenë një ditë me sulme ajrore mbi Halep. Sipas asaj çka raportohet nga terreni, më së paku 20 persona janë vrarë e dhjetëra të tjerë janë plagosur nga bombardimet e regjimit sirian.
Goditjet ajrore nuk kanë qenë të përqendruara në një vend, për t’u kryer një ditë më parë gjatë faljes të së premtes, kur edhe xhamitë janë të mbipopulluara.
Më së paku 30 civilë lajmërohet të jenë plagosur vetëm në Bustan el-Kasr.
Lindjen e Halepit e kontrollojnë grupet rebele, kurse trupat e regjimit mbajnë pjesën perëndimore.
Sipas Observatorit Sirian për të Drejtat e Njeriut, sulmet ajrore të ushtrisë së Esadit kanë patur në shenjë dhe provincën e Idlibit, duke vrarë më e pakta tre civilë.
Sulmet e djeshme pasojnë ato të së martës, prej së cilave u vranë më së paku 44 njerëz në dy tregje në veriperëndim të vendit.
Bisedimet në Gjenevë po ashtu kanë marrë një të krisur me pezullimin e pjesëmarrjes së përfaqësuesve të opozitës siriane, që janë tërhequr.
Një anëtar i delegacionit sirian në Gjenevë deklaroi se sulmet ajrore në Halep tregonin që vendimi për tërheqjen nga bisedimet ishte ai i duhuri. /tesheshi.com/
