Nuk arrini të flini dhe të nesërmen ndiheni i lodhur? Nuk jeni i vetmi. Lajmi i mirë është se duke bërë disa veprime të vogla një orë para se të flini do t’ju ndihmojnë të flini më shpejt.
- Shkurtoni kohën e qëndrimit tuaj në krevat
Shtrihuni në krevat vetëm afër kohës që doni të flini. Merruni me diçka, por mos rrini gjatë në krevat para se të flini.
- Errësoni dhomën ku do flini
Kjo është diçka që me sa duket i ndihmon të gjithë, pasi shumica prej nesh ka nevojë për një dhomë të errët që të mund të flejë. Sigurohuni që t’i keni mbyllur mirë të gjitha perdet, në mënyrë që dritat që mund të ndodhen jashtë të mos hyjnë brenda.
- Largojini zhurmat
Një orë që bën tik-tak apo një radion e ndezur mund t’ia vështirësojë rënien në gjumë. Gjithashtu, nëse nuk arrini t’i shmangni zhurmat që vijnë nga jashtë, atëherë përdorni kufje të posaçme për të fjetur dhe mbyllini dritaret e dhomës së gjumit.
- Shmangni ushtrimet para gjumit
Ushtrimet fizike e rrisin adrenalinën në trup duke e bërë të vështirë rënien në gjumë.
- Hani darkë herët
Hiq dorë nga ushqimet e rënda para se të shkosh në krevat.
- Shmangni kafeinën të paktën katër orë para se të flini
Kafja, çaji, coca-cola, çokollata dhe çdo produkt tjetër që përmban kafeinë do t’jua vështirësojë gjumin e thellë.
- Mos pini alkool
Produktet që përmbajnë alkool kanë efekt stimulues dhe do t’jua bënin gjumin e vështirë.
- Përmbaju një orari fiks si për fjetjen ashtu edhe për zgjimin
Fjetja dhe zgjimi i çrregullt mund t’jua prish rënien në gjumë. Shumë njerëz që flenë gjatë ditës të shtunën kanë probleme të flenë në darkë dhe mezi zgjohen të dielën në mëngjes.
- Mos flini pasdite
Fjetja pasdite do ta shtyjë gjumin tuaj në darkë, duke e bërë edhe zgjimin e vështirë, e për pasojë do të ndieni lodhje gjatë ditës së nesërme.
- Kujdes nga valiumet për gjumë
Shumica e atyre që përdorin ilaçe për të lehtësuar fjetjen pas një kohe të gjatë kanë probleme serioze të flenë pa i përdorur ato. /tesheshi.com/
