Nga Matteo Persivale, Corriere della Sera
Donald Trump, 78 vjeç, rikandidon për Shtëpinë e Bardhë në zgjedhjet që mbahen këtë vjeshtë. Ai ishte presidenti i 45-të i Shteteve të Bashkuara, në detyrë nga janari i vitit 2017 deri në janarin e 2021-shit. Një sipërmarrës dhe një personazh i njohur në disa emisione televizive, Trump përballet me akuza të ndryshme, përfshirë atë të komplotit për të përmbysur rezultatin e zgjedhjeve presidenciale të 2020-ës.
Ja cilat janë 10 fakte që mund të mos i dini ose i keni harruar mbi Donald Trump:
- Përpara se të garonte në zgjedhjet e vitit 2016, ajo njihej në të gjithë botën si një nga simbolet e Manhattanit, si Kulla Trump e cila dominon gjithë lagjen Fifth Avenue. E megjithatë, Donald John Trump nuk ka lindur në Manhattan. Ai lindi më 14 qershor 1946 përtej Lumit Lindor në Queens. Ishte një nga pesë fëmijët e Fred Trump (me origjinë gjermane) dhe Mary Anne MacLeod Trump, që emigroi në Shtetet e Bashkuara nga Skocia.
- Në vitin 2007, Trump u shfaq në programin e mundjes “WrestleMania 23”. Gjatë atij episodi, Trump u ndesh me drejtuesin e WWW Vince McMahon përpara 85.000 njerëzve në një ndeshje të quajtur “Beteja e Miliarderëve” (në realitet ndeshja u zhvillua me prokurë. Ata deleguan dy profesionistë në vend të tyre, dhe fitoi ai që ishte me Trump).
- “Trump: Arti i të bërit biznes”, është i pari nga shtatë librat e shkruar nga Donald Trump. Ai e shkroi atë në bashkëpunim me gazetarin Tony Schwartz. Pjesërisht kujtime dhe pjesërisht një manual biznes, ai arriti të dalë në krye të listës të New York Times mbi librat më të shitur në Shtetet e Bashkuara, ku qëndroi për 13 javë.
- Dy nga tre gratë e Trump kanë lindur jashtë Shteteve të Bashkuara: e para, çekja Ivana (1949-2022), dhe e fundit sllovenia Melani (1970). Louisa Adams (1775-1852), gruaja e presidentit të 6-të amerikan John Quincy Adams, lindi në Angli dhe u rrit në Francë edhe pse babai i saj ishte amerikan. Melania Trump është shtetase amerikane që nga viti 2006.
- Vetëm dy presidentë në historinë amerikane ishin personazhe mediatikë përpara se të hynin në politikë. Dhe janë dy presidentët e Amerikës që kanë një yll në Hollywood Walk of Fame, trotuari i famshëm në Los Angeles që nderon më shumë se 2500 artistë. Trump u nderua në vitin 2007 për shfaqjen televizive realiste “The Apprentice”.
- Trump u diplomua në Shkollën Wharton të Universitetit të Pensilvanisë. I njëjti universitet prestigjioz ku kanë studiuar Sundar Pichai (drejtues i Google), Warren Buffett (drejtues i Berkshire Hathaway), Alex Gorsky (drejtues i Johnson & Johnson), Elon Musk (drejtues i Tesla-s), Robert Crandall (kreu i American Airlines) dhe John Sculley (ish-drejtues i Apple dhe Pepsi).
- Donald Trump e ka riemërtuar biznesin familjar. Në fillim quhet Elizabeth Trump & Son Co, duke marrë emrin nga gjyshja e tij nga babai (1880-1966). Duke qenë një ekspert i marketingut e ndryshoi emrin në Trump Organization në vitin 1973, një emër që e mban ende sot.
- I lindur në vitin 1946, Donald Trump i përket brezit të amerikanëve që duhej të përballeshin me shërbimin e detyrueshëm ushtarak në kohën e Luftës së Vietnamit. Kur ishte në universitet mori katër fletëthirrje, të cilat ai i refuzoi për arsye shëndetësore. Pasi shpalli ambicien presidenciale, Trump u detyrua që të jepte një shpjegim për këtë çështje. Në vitin 2015, ai shpjegoi se në kohën e Luftës së Vietnamit vuante nga një problem me kockë paksa të dalë në njërën nga këmbët. Por ai shtoi se nuk mbante mend se cilën.
- Friedrich Trump, gjyshi i Donald, vdiq gjatë pandemisë së gripit spanjoll të vitit 1918. Djali i tij Fred nisi të ndihmonte të ëmën në menaxhimin e biznesit të tyre të pasurive të paluajtshme që kur ishte vetëm 15 vjeç. Fred Trump, babai i Donald, vdiq në vitin 1999, në moshën 93-vjeçare.
- Trump është një mbiemër gjerman. Në vitin 1789, lindi në Bobenheim të Gjermanisë Johann Trump. Më vonë ai më vonë u zhvendos në Kallstadt, ku në vitin 1869, lindi gjyshi i Donald Trump, Friedrich Trump, që emigroi në Amerikë në vitin 1885. /tesheshi.com/
