Nga Caitlin Johnstone
Këto janë dhjetë idiotësitë që na kërkohet të besojmë në lidhje me luftën e Izraelit në Gaza, pa ndonjë rend të veçantë:
- Izraeli nuk e kishte idenë se çfarë po bënte Hamasi para 7 tetorit, por që nga 7 tetori e këtej ka njohuri për çdo spital, xhami, shkollë, kamp refugjatësh dhe kullë uji ku fshihet Hamasi!
- Faji për të gjitha vdekjet e shkaktuara nga armët izraelite të lëshuara nga Izraeli i takon vetëm Hamasit!
- Hamasi po përdor “mburoja njerëzore”— që do të thotë se bazat e Hamasit janë të fshehura mes popullatës civile — megjithatë Izraeli po vret me mijëra civilë pa i shkaktuar ndonjë dëm domethënës Hamasit!
- Do të ishte e përkryer të vriteshin me mijëra fëmijë edhe nëse ata do të përdoreshin si “mburoja njerëzore” — sikur zgjidhja e situatës së pengjeve duke vrarë këta mijëra fëmijë pengje do të konsiderohej si e arsyeshme dhe e pranueshme nga publiku, nëse kjo do të ndodhte në vendin tonë.
- Është thjesht rastësi fakti se, Izraeli duke bombarduar “objektivat e Hamasit” të gjendura në infrastrukturën civile dhe ndërtesat e banimit, duket saktësisht njëlloj me atë që do të prisnit të shihni nëse Izraeli thjesht po bombardonte infrastrukturën civile dhe ndërtesat e banimit dhe gënjen për arsyet e tij pse po e bën këtë!
- Imazhet satelitore të lagjeve të tëra të kthyera në rrënoja në Gaza janë shkaktuar nga “goditjet e sakta” të drejtuara vetëm ndaj Hamasit dhe janë kryer me kujdesin më të madh për të mos prekur jetën njerëzore, pavarësisht se zyrtarët izraelitë thonë hapur se “synimi është dëmtimi dhe jo saktësia” në këtë sulm dhe se “Gaza do të shndërrohet përfundimisht në një qytet çadrash dhe nuk do të ketë më ndërtesa.”
- Kjo fushatë bombardimesh ka të bëjë me lirimin e pengjeve izraelite — a thua se vetë fushata e bombardimeve nuk ka vrarë dhjetëra pengje, edhe nëse dikush beson se Izraeli do të ndal bombardimin e Gazës pasi të kthehen pengjet.
- E vetmja arsye që dikush mund të kundërshtojë hedhjen e mijëra bombave në një burg të hapur plot me fëmijë, do të ishte urrejtja e madhe ndaj ithtarëve të Judaizmit si fe!
- Hamasi e sulmoi Izraelin krejtësisht në befasi dhe pa asnjë provokim paraprak, por vetëm sepse ata janë të ligj dhe i urrejnë hebrenjtë.
- Uashingtoni është i pafuqishëm për ta ndaluar këtë gjenocid, që po e financon dhe e furnizon drejtpërdrejt.
Burimi: https://www.caitlinjohnst.one/p/the-ten-dumbest-things-were-being
